İki il ərzində Orta Dəhliz boyunca yük daşımaları 30 milyon tona qədər artacaq

İki il ərzində Orta Dəhliz boyunca yük daşımaları 30 milyon tona qədər artacaq
15:06

Azərbaycan, Gürcüstan və Qazaxıstan Orta Dəhliz boyunca yük daşımalarını 2029-cu ilə qədər 30 milyon tona çatdırmaq niyyətindədirlər. Bunun üçün hər 3 dövlət dəhliz üzrə investisiya layihələri həyata keçirir. Məsələn, Gürcüstan nəqliyyat sektoruna təxminən 7 milyard dollar sərmayə qoymağı planlaşdırır.

Bu barədə Gürcüstanın Baş nazirinin müavini və İqtisadiyyat və Davamlı İnkişaf naziri Mariam Kvrivişvili bildirib.

 

"Bu plan 2029-cu ilə qədər Orta Dəhliz boyunca 30 milyon ton yükün daşınmasını nəzərdə tutur. Biz tərəfdaşlarımızla daim əməkdaşlıq edirik və birgə regional tədbirlər müəyyən etmişik"- deyə Mariam Kvrivişvili qeyd edib.

Nazir həmçinin qeyd edib ki, Orta Dəhlizin inkişafı çərçivəsində Gürcüstan Qazaxıstan və Azərbaycanla əməkdaşlığa xüsusi diqqət yetirir və onlarla nəqliyyatın genişləndirilməsinə və regional əməkdaşlığın gücləndirilməsinə yönəlmiş plan artıq hazırlanıb.

Mariam Kvrivişvili əlavə edib ki, Gürcüstan nəqliyyat sektoruna təxminən 7 milyard dollar investisiya qoymaq niyyətindədir və bu vəsait liman, dəmir yolu, quru və hava infrastrukturunun inkişafına sərf olunacaq.

Xatırladaq ki, Gürcüstanın ACT MMC tədqiqat şirkəti ölkədə sahibkarlığın perspektivləri ilə bağlı araşdırma hazırlayıb və nəticədə ölkədə biznesin rəqabət qabiliyyətinin artırılmasının birbaşa Orta Dəhlizin inkişafından asılı olduğu qənaətinə gəlib.

Gürcüstan həmçinin Bakı-Tbilisi-Qars arasında intermodal daşımaları genişləndirmək potensialına malikdir. Bu, ixrac logistika imkanlarını artıracaq və kiçik və orta sahibkarlıq subyektləri üçün Avropa bazarlarına çıxışı açacaq.

News365.az


Sizin reklam burada
Sizin reklam burada