Valideynlərin nəzərinə: Bu 5 cümlə uşağın daha uğurlu olmasına kömək edir
Uşaqlarla qurulan ünsiyyət onların inkişafına və qəbul etdikləri qərarlara birbaşa təsir etmək qabiliyyətinə malikdir
News365.az xəbər verir ki, Montessori Metodu uşaqların uğurunu və inkişafını artırmağa kömək edir.
Məlumata görə, sözügedən üsul uşaqlara müstəqil olmağı öyrədir, eyni zamanda istifadə olunan cümlələr onlara dəyərli olduqlarını hiss etdirir.
Psixoloqların təklif etdiyi bu cümlələr aşağıdakılardır:
1.Mənə nə hiss etdiyini söyləmək istəyirsən?
Uşaqların emosional intellektinin inkişafı baxımından hisslərini ifadə etməyi öyrənmələri vacibdir. Valideynlər övladlarının yaşadığı mənfilikləri basdırmaq əvəzinə, onlara bu hissləri düzgün ifadə etməyi öyrətməlidirlər. Bu, uşaqlara daha balanslı bir ruh halı və daha dəqiq təhlillə gələcək problemlərin öhdəsindən gəlməyə imkan verir.
2.Köməyinə ehtiyacım var, mənə dəstək ola bilərsən?
Uşaqları daim tərifləmək əvəzinə onlara dəyərli və əhəmiyyətli hiss etdirəcək cümlələr işlətmək uşağın özünə inamını artıracaq. Məsələn, “Mən bu gün qabları birlikdə yumaq istəyirəm, mənə kömək edə bilərsənmi?” kimi sadə görünən cümlələr uşağa faydalı və vacib olduğunu hiss etdirəcək. Bu yolla uşaq gördüyü işi uğur kimi görür və özünə hörməti inkişaf etdirir.
3.İnanıram ki, sən bunu edə bilərsən.
Uşaqlar bəzən nəyəsə nail ola bilməyəndə ruhdan düşə bilərlər. Bu hallarda valideynlərin bu cəsarət və inamı təzələmələri vacibdir. Məsələn, uşağınız bir çətinliklə qarşılaşdıqda, onlara keçmişdə bacardıqları işləri xatırladaraq, “Əvvəllər corabını geyinməkdə çətinlik çəkirdin, amma indi gör nə qədər asan bacarırsan” kimi cümlələrlə onu ruhlandıra bilərsiniz.
4.Bəzən mən də özümü uğursuz kimi hiss edirəm və bu normaldır.
Əksər uşaqlar üçün valideynləri qüsursuz və mükəmməldirlər. Onların fikrincə, valideynləri səhv etmirlər. Bununla belə, uşağa bəzən səhv etdiyini və uğursuzluqların həyatın bir parçası olduğunu xatırlatmaq, gələcəkdə səhv etdikləri zaman özlərinə inamını itirməməsinə kömək edəcək.
5.Mən səni hər şəraitdə sevirəm, bunu heç vaxt unutma.
Valideynlərinin sevgisinin qeyd-şərtsiz olduğunu bilən uşaqlar özlərini təhlükəsiz hiss edirlər. Səhv etsələr də, valideynlərinin onları sevməkdən əl çəkməyəcəyini bilmək, uşaqların emosional dayanıqlığını və özünə inamını artıracaq.
