Rusiya beynəlxalq iqtisadi əlaqələrini genişləndirmək istəyir – Putin

Rusiya beynəlxalq iqtisadi əlaqələrini genişləndirmək istəyir – Putin
12:30

Qlobal iqtisadi münasibətlərdə dəyişikliklərin və geosiyasi gərginliklərin davam etdiyi bir vaxtda Moskva beynəlxalq əməkdaşlıq imkanlarını qorumağa çalışır. Rusiya Prezidenti Vladimir Putin ölkəsinin xarici iqtisadi əlaqələri genişləndirmək və iqtisadi dayanıqlığını gücləndirmək xəttini davam etdirdiyini bəyan edib.

News365.az "Gazeta.ru"ya istinadən xəbər verir ki, Putin bu barədə Asiya-Sakit Okean İqtisadi Əməkdaşlıq Təşkilatının (APEC) sammitinin plenar iclasında çıxışı zamanı danışıb.

Rusiya lideri ölkəsinin dünyaya açıq qalmaq mövqeyini qoruduğunu və iqtisadi potensialını artırmaq üçün ardıcıl addımlar atdığını bildirib.

Onun sözlərinə görə, bu istiqamətdə fundamental islahatların aparılması, sənaye infrastrukturunun yenilənməsi, texnoloji imkanların genişləndirilməsi və inflyasiyanın nəzarətdə saxlanılması əsas prioritetlər sırasındadır.

Putin, həmçinin Asiya-Sakit Okean regionu ölkələri ilə iqtisadi tərəfdaşlığın Moskvanın strateji inkişaf kursunun mühüm tərkib hissəsi olduğunu vurğulayıb.

News365.az


Sizin reklam burada
Sizin reklam burada