Bəsər Əsəd sağ qalması müqabilində İsrailə nə verib?- ŞOK FAKTLAR

“Diktatorların qeyri-adi əməlləri ilə bağlı çox yazılıb. Görünür ki, Bəşər Əsəd təkcə ölkəsində qurduğu həbsxana rejiminin unikallığı ilə deyil, kordinat satmaqla da yaddaşlarda qalacaq. İsrailin fürsətdən istifadə edərək Suriyaya endirdiyi dəqiq hava hücumlarının sirri ilə bağlı dünya mediasında yazılar dərc olunur”.

News365.az xəbər verir ki, bunu İKT üzrə ekspert Osman Gündüz deyib. O, bildirib ki, İsrail odusunun Suriyadakı hərbi obyektlərə, silah-sursat və raket anbarlarına, strateji yerlərə dəqiq zərbələr endirməklə Dəməşqin 20 km-nə çatmasının elə Əsədin sayəsində mümkün olduğu bildirilir:

“Belə ki, Əsəd ölkədən qaçdığı təyyarənin toxunulmazlığı qarşılığında İsrailə strateji obyektlərin kordinatları olan xəritəni də verdiyi bildirilir. Yəni ağlasığmaz sövdələşmə olub. Görünür ki, bu regionda Türkiyənin önə çıxması bu tip sövdələşməni də zəruri edib.

Bunun da sayəsində İsrail artıq Suriyanın bu hissəsinə nəzarət etməkdə və bu ölkənin hərbi gücünü də tam sıfırlamaqdadır. Görünən odur ki, İsrail yalnız texnologiyada və innovasiyalarda deyil, fürsətcillikdə də öndədir”.

News365.az