İTS Fonduna niyə iyanə edilmir?
“Gələn ildən dövlət tərəfindən İcbari Tibbi
Sığorta fonduna ayrılan maliyyə vəsaiti azaldılacaq. İnsanların haqlı narahatlığı
və narazılığı başadüşüləndi. Rəsmilər izahat verməyə çalışırlar. Deyirlər
azalma tibbi xidmətin keyfiyyətini yaxşılaşdırmaq üçündür. İndi hamını bu sual
düşündürür: Olacaqmı belə? Yaşasaq, görəcəyik”.
Bunu News365.az -a açıqlamasında pediatr Vaqif Qarayev
deyib. O bildirib ki,görünən odur ki, İTS özü özünü dolandıra bilmir:
“Yəni dövlət də sonsuzluğa qədər vəsait ayira
bilmir bilməyəcək. Bəzi ölkələrdə Tibbi Sığorta Fonduna müxtəlif mənbələrdən köçürmələr
olur. Məsələn, milyarderin biri çıxıb deyir ki, “mən fonda filan qədər vəsait köçürəcəm”.
Bizdə belə şey mümkündürmü? Yox! Çünki zəngin adamımız yoxdur. Hamı ümidini maaş
kartına bağlayıb. Bəzi yerlərdə isə kilsə xeyriyyə məqsədi ilə insanların sağlamlığına
pul xərcləyir. Bizdə belə şey mümkündürmü? Yox! Saysız-hesabsız nəzir qutularında yığılan pullar hara
gedir, bilirikmi? Yox!. Ona görə də çalışın sağlam olun!”
