"Atletiko"nun oyunçusu "Trabzonspor"a keçir

"Atletiko Madrid"in yarımmüdafiəçisi Saul Nikes "Trabzonspor"a keçir.

Bu barədə insayder Fabrisio Romano məlumat verib.

Onun sözlərinə görə, Türkiyə klubu növbəti həftə yeni transferini açıqlayacaq.

Türkiyəli insayder Yağız Sabuncuoğlu isə dəqiqləşdirir ki, təcrübəli ispaniyalı futbolçu 4 illik müqaviləyə imza atacaq.

Qeyd edək ki, Nikes 2008-ci ildən etibarən "Atletiko"nun şərəfini qoruyur. Madrid təmsilçisinin heyətində o 6 titul qazanıb, o cümlədən La Liqa (1 dəfə), Avropa Liqası (2 dəfə) və UEFA Superkubokunu (1 dəfə) başı üzərində qaldırıb.

Nikes ötən mövsüm icarə əsasında "Sevilya"da çıxış edib.