ABŞ sahillərində “naməlum sualtı obyektlər” peyda oldu

“Enigma” ABŞ sularında 9 mindən çox sirli hadisə barədə məlumat qeydə alıb.

Bu barədə “New York Post” qəzeti məlumat yayıb.

Avqustdan bəri ən çox müşahidə qeydləri Kaliforniya (389 hal) və Florida (306 hal) sahilləri yaxınlığında aparılıb. Qəzet yazır ki, bu hadisələrin əksəriyyəti ABŞ sahilindən 10 mil məsafədə, onların təxminən 500-ü isə 5 mil radiusunda baş verib.

150-dən çox bildirişdə “su üzərində asılı qalan və ya suya enən” naməlum obyektlər təsvir olunub. Onlardan biri videoya da çəkilib - Florida ştatının Fort-Loderdeyl sahillərində okean səthində hərəkət edən yaşıl işıqların görüntüləri ictimaiyyətə təqdim edilib.