Ərdoğan minimal əmək haqqı üçün işəgötürənlərə çağırış etdi

Türkiyə Prezidenti Rəcəb Tayyib Ərdoğan TİSK-in 29-cu Ümumi Qurulunda çıxış edərək sabah keçiriləcək ilin ilk Minimal Əmək Haqqı Müəyyənetmə Komissiyası iclası öncəsi işəgötürənləri və işçi tərəfi diqqətli olmağa çağırıb.

Prezident bildirib ki, işçi və işəgötürən arasındakı münasibətlərin ədalətli, davamlı və düzgün qurulması ölkədə sosial sabitlik və birlik üçün vacibdir. Ərdoğan vurğulayıb ki, bu balans pozulduqda istismar və ədalətsizlik riski ortaya çıxır və həm sosial sabitliyə, həm də həmrəylik ruhuna zərər verir.

“Sabah keçiriləcək komissiya iclasında işəgötürənləri təmsil edən TİSK heyətindən əllərini daşın altına qoymalarını gözləyirəm. İşçi qardaşlarımıza atacağınız hər müsbət addım məhsuldarlıq, qazanc və bərəkət olaraq geri dönəcək. Mən həmişə deyirəm: qəfənin cibində pul yoxdur. Geridə xeyirli bir miras buraxa biliriksə, işdə əsl zənginlik və xoşbəxtlik budur,” – deyə Ərdoğan əlavə edib.

Prezident həmçinin diqqətsizlik, laqeydlik və mənfəət hırsı səbəbindən işçilərin zərər görməsinin qəbuledilməz olduğunu vurğulayıb və məsuliyyətin ilk növbədə işəgötürənlərdə olduğunu qeyd edib.

Ərdoğan bildirib ki, Orta Məqsədli Proqram çərçivəsində inflyasiyada əsas hədəf olan tək rəqəmli səviyyələrə çatmaq üçün addımlar atılacaq.

News365.az