Rusiya və Vyetnam arasında yeni əməkdaşlıq mərhələsi başlayır

Vyetnam Kommunist Partiyası Mərkəzi Komitəsinin baş katibi To Lamın Moskvaya səfəri zamanı Rusiya və Vyetnam arasında 20-dən çox saziş və əməkdaşlıq memorandumu imzalanacaq.

News365.az xəbər verir ki, bu barədə "TACC" məlumat yayıb.

To Lam Dövlət Dumasının sədri Vyaçeslav Volodinin və parlament palatasının üzvlərinin iştirakı ilə keçirilən birgə tədbirlərdə bildirib ki, hazırda dünya görünməmiş transformasiya dövrünü yaşayır və bu, nəinki problemlər, həm də əməkdaşlığın gücləndirilməsi üçün yeni imkanlar gətirir.

Qeyd edək ki, Vyetnam Kommunist Partiyası Mərkəzi Komitəsinin Baş katibi Böyük Vətən Müharibəsində Qələbənin 80 illiyinə həsr olunmuş təntənəli tədbirlər şərəfinə Moskvada səfərdədir; bir gün əvvəl Qızıl Meydanda Qələbə Paradında iştirak edib. Rusiya prezidenti Vladimir Putinin mayın 10-da vyetnamlı qonağı ilə danışıqlar aparacağı gözlənilir.