"Krokus"da insanlar təkcə avtomatla öldürülməyibmiş -Yeni detal
Rusiyanın Moskva vilayətindəki “Crocus City Hall” konsert zalında törədilmiş terror aktı zamanı həlak olanların bəzilərinin cəsədlərində təkcə güllə yaraları deyil, həm də bıçaq xəsarətləri olub.
Bu barədə Rusiya mediasına hüquq-mühafizə orqanlarından məlumat verilib.
“Bu, onu deməyə əsas verir ki, “Krokus” konsert zalına hücum zamanı terrorçular təkcə avtomat silahlardan deyil, həm də bıçaqlardan istifadə edə biliblər”, - adı açıqlanmayan mənbə deyib.
O, bunların qəlpə yaraları və ya iti cismlərin zərbəsi nəticəsində yarana biləcəyini də istisna etməyib.
O da qeyd edilib ki, faciə yerində çoxlu sayda istifadəsiz patron aşkarlanıb.
Xatırladaq ki, Krasnoqorskda “Crocus City Hall”a hücum 2024-cü il martın 22-də baş verib. Avtomatlarla silahlanmış terrorçular konsert zalına soxularaq “Piknik” qrupunun konsertinə gələn tamaşaçılara atəş açmağa başlayıblar. Hücum edənlər daha sonra yanğın törədiblər.
Faciə nəticəsində 145 nəfər həlak olub, 500-dən çox insan yaralanıb. Rusiya İstintaq Komitəsinin rəsmi nümayəndəsi Svetlana Petrenkonun bu ilin martında verdiyi məlumata görə, terror aktını 6 nəfər təşkil edib, onların hamısı xaricdə olduqları üçün hazırda axtarışdadırlar.
Tural
