İnsan beyninin “ikinci saatı”: Orqanizm zamanı necə ölçür?

İnsan orqanizmi günün hansı vaxtı olduğunu müəyyən etmək üçün yalnız saatlara ehtiyac duymur.

News365.az xəbər verir ki, bioloji saat adlanan sistem insanın yuxu və oyaqlıq rejimini, hormonların ifrazını, bədən temperaturunu və digər fizioloji prosesləri tənzimləyir. Bu sistem əsasən beynin hipotalamus nahiyəsində yerləşən supraxiazmatik nüvə ilə əlaqəlidir.

İşıq bu mexanizmdə əsas rol oynayır. Gözlərə daxil olan işıq beynə gündüzün başladığı barədə siqnal göndərir. Qaranlıq zamanı isə melatonin hormonunun ifrazı artır və orqanizm yuxuya hazırlaşır.

Mütəxəssislər bildirirlər ki, gecə saatlarında güclü işıq mənbələrindən istifadə etmək bioloji ritmi poza bilər. Xüsusilə yatmazdan əvvəl parlaq ekranlara uzun müddət baxmaq yuxuya getmə prosesinə təsir göstərə bilər.