ABŞ milyarderlərinin vəsiyyətinin arxasında nə dayanır?

Bill Gates, Varren Buffett, Mark Zuckerberg, Elon Musk və digər tanınmış milyarderlərin bir ortaq cəhəti var. Onlar öz övladlarına sərvətlərinin kiçik bir hissəsini "hədiyyə" edirlər. Qalan milyardlarla dolları isə müəyyən xeyriyyə məqsədli təşəbbüslərə yönləndirəcəklərini vəd edirlər.

Maraqlıdır, bəs niyə bu vəsaitlərin çoxu yalnız onların ölümündən sonra xeyriyyə məqsədilə istifadə olunmalıdır?

Bununla bağlı News365.az –a söhbətində iqtisadçı ekspert Eldəniz Əmirov deyib ki, bu qədər xeyirxahdırlarsa, niyə sağlıqlarında dünyanın aclıq yaşayan ölkələrinə, acından ölən körpələrinə, ciddi xeyriyyəçilik etmirlər?:

“Bu qədər pullara bütün dünyanı pulsuz xəstəxanalarla doldurmaq olardı. Əsl xeyirxah insan sağ içən bunu etməzmi?

Bəs biz haradan əmin ola bilərik ki, bu vəsiyyətlər həyata keçəcək? Hansı mexanizmlə?

Bəlkə dünyanın milyarder kimi tanıdığı insanlar sadəcə vasitəsiçilərdir. Arxa planda isə müəyyən güclər – dövlətlərdən və demokratiyalardan da güclü olan qlobal güc mərkəzləri – bu şəxslərin timsalında sistemli şəkildə sərvət toplayırlar. Birisi Facebook vasitəsilə, digəri maliyyə texnologiyaları ilə, biri süni intellektlə, biri enerji bazarları ilə...

Yəqin ki, bütün bunlar sadəcə "xeyriyyəçilik" adı ilə örtülən qlobal güc konsentrasiyasıdır. Bir də qlobal kapitalın yenidən mərkəzləşdirilməsi və dünyanın daha sistemli yönləndirilməsidir”.

News365.az