Türkiyənin 35 əyalətində XƏBƏRDARLIQ EDİLDİ

Türkiyə Fəlakət və Fövqəladə Halların İdarə Olunması Agentliyi (AFAD) 35 əyalətin vətəndaşlarına əlverişsiz hava şəraiti ilə əlaqədar ehtiyatlı olmaq barədə xəbərdarlıq edib.

"Haber Global" xəbər verir ki, Samsun, Sinop və Ordu da daxil olmaqla 13 əyalət üçün "narıncı", Ankara, İstanbul və Konya da daxil olmaqla 22 əyalət üçün isə "sarı" təhlükə səviyyəsi elan edilib.

Bildirilib ki, həmin ərazilərdə müvafiq qurum və təşkilatlardan 18.705 işçi heyəti və 8.696 nəqliyyat vasitəsi 24/7 növbədədir.