Şri-Lankada "Ditva" siklonu nəticəsində ölənlərin sayı 153-ə yüksəlib

Şri-Lankada "Ditva" siklonu nəticəsində ölənlərin sayı 153-ə yüksəlib
21:00

Şri-Lankada "Ditva" siklonunun yaratdığı torpaq sürüşmələri və daşqınlar nəticəsində həlak olanların sayı 153 nəfərə çatıb.

News365.az "Reuters"ə istinadən xəbər verir ki, bu barədə şənbə günü rəsmilər açıqlama yayıb.

Bildirilib ki, daha 191 nəfər itkin düşmüş sayılır, ölkə üzrə yarım milyondan çox insan zərər çəkib, 78 min nəfərdən çox insan evlərini tərk etməyə məcbur olub. Onların yerləşdirilməsi üçün əsasən məktəblərdə 800 yardım mərkəzi təşkil edilib.

Malvane və Kolombo yaxınlığındakı aşağı ərazilərdə daşqın nəticəsində evlərin əksəriyyəti su altında qalıb və elektrik enerjisiz qalıb.

Sinoptiklər həftəsonu yağışların davam edəcəyini proqnozlaşdırır ki, bu da artıq daşqından zərər çəkmiş bölgələrin yenidən su altında qalacağı ilə bağlı narahatlıq doğurur.


Sizin reklam burada
Sizin reklam burada