Şkabardnya 94 yaşında öldü

SSRİ Nazirlər Sovetinin keçmiş İşlər müdiri Mixail Şkabardnya 95 yaşında vəfat edib. Rusiya mediasının yaydığı məlumata görə, bu barədə onun qızı Alla məlumat yayıb.

“Onun ölüm xəbəri doğrudur... Bu dünən axşam saat 23:20-də baş verib”, - o qeyd edib.

Qeyd edək ki, Şkabardnya 1989-cu ildən 1990-cı ilə qədər SSRİ Nazirlər Sovetinin İşlər müdiri vəzifəsini tutub və sonradan Nazirlər Kabinetinə daxil olmaqdan imtina edərək bu vəzifədən istefa verib.

O, 31 dekabr 1990-cı ildə Sosialist Əməyi Qəhrəmanı adına layiq görülüb. O, Energia-Buran təkrar istifadə edilə bilən raket və kosmik sisteminin yaradılması və sınaqdan keçirilməsinə verdiyi töhfəyə görə mükafatlandırılıb. Şkabardnya çoxsaylı mükafat və adlara, o cümlədən Lenin və Oktyabr İnqilabı, Qırmızı Əmək Bayrağı ordeni, həmçinin Vətən qarşısında xidmətlərə görə, IV dərəcəli və Şərəf ordeni ilə təltif edilib. O, həmçinin SSRİ Dövlət Mükafatı və Rusiya hökumətinin Fəxri Fərmanı almışdır.

Tural