Evdə işığı ən çox işlədən cihazlar: Qənaət etmək üçün nəyi bilməliyik?

Məişət texnikasının enerji sərfiyyatını yalnız onun nə qədər müddət açıq qalması ilə ölçmək əsas yanlışlardan biridir. Çünki saatlarla səssiz-səmiriz işləyən bir cihaz, cəmi 10 dəqiqə fəaliyyət göstərən yüksək güclü texnikadan daha az elektrik enerjisi yandırır. İşin sirri cihazın saatdakı gücündə (kilovatt/kW) və onun hansı intensivliklə istismar edilməsindədir.

News365.az xəbər verir ki, Evimizdə elektrik xərclərini gizlicə artıran cihazlar və onların real təsiri:

İnduksiya plitələri və elektrik sobaları: Mətbəxin ən "iştahlı" sakinlərindəndir. İnduksiya plitəsinin tək bir gözü 1000–3000 Vt (1-3 kVt) güc tələb edir. Eyni anda 2-3 gözün və ya sobada yemək bişirilməsi sayğacın rəqəmlərini gözəl-gözəl sürətləndirir.

Suyun qızdırılması (Çaydanlar, boylerlər və su qızdırıcıları): Çaydan cəmi 3-5 dəqiqəyə suyu qaynatza da, həmin anda 2000–2400 Vt güc çəkir. Su qızdırıcıları (boylerlər) və paltarqurudan maşınlar isə həm yüksək gücə (2000–4000 Vt) sahibdir, həm də uzun müddət işləyərək qəbzin əsas hissəsini təşkil edirlər.

Kondisioner və elektrik qızdırıcıları: İqlim texnikası mövsümi olaraq ən çox yük yaradan cihazlardandır. Müntəzəm istifadə olunduqda ümumi ev sərfiyyatının 30-40%-ni təşkil edə bilər.

Soyuducunun "aldadıcı" sakitliyi: Soyuducu 24 saat şəbəkəyə qoşulu olsa da, müasir kompressorlar yalnız temperatur düşdükdə işə düşür. Onların gücü nisbətən aşağı (100–250 Vt) olduğu üçün ümumi büdcəni kəskin sarsıtmır, lakin fasiləsiz işlədiyi üçün sabit paya malikdir.

Xərcləri Necə Azaltmaq Olar?

Həqiqi qənaət üçün yalnız cihazları söndürmək kifayət etmir. Alarkən enerji effekti yüksək olan (A++ və ya A+++) modellərə üstünlük vermək, elektrik çaydanına yalnız ehtiyac qədər su tökmək və böyük hacmli yeməkləri imkan daxilində induksiya əvəzinə daha optimal rejimlərdə bişirmək xərclərinizi hiss olunacaq dərəcədə azaldacaq.

News365.az