Milli Məclisin sabiq əməkdaşı vəfat etdi

Tanınmış ziyalı Həşimov Rauf Azay oğlu bu gün dünyasını dəyişib.

News365.az xəbər verir ki, Rauf Həşimov 1953-cü ildə İmişli rayonunda, ziyalı ailəsində anadan olub.  Orta məktəbi qızıl medalla bitirib 1971-ci ildə Azərbaycan Texniki Universitetinin avtonəqliyyat fakültəsinə daxil olub. 3 ali təhsili vardı – ali siyasi, ali partiya və ali hüquq. Uzun müddət 5 nömrəli taksimator parkının partkomu olub. Nəqliyyat sahəsində çalışdıqdan sonra 1996-2019 -cu illər ərzində Azərbaycan Respublikasının Milli Məclisində müxtəlif vəzifələrində çalışıb.  1996-2001-ci illər ərzində keçmiş spiker Murtuz Ələsgərovun köməkçisi olub.

Allah rəhmət eləsin!

News365.az