Müddətsiz əlillik: Şəxslər yenidən müayinəyə cəlb oluna bilər- AÇIQLAMA
Müddətsiz əlilliyi olan şəxslər yenidən komissiyaya çağırıla bilərmi?
Müddətsiz əlilliyi olan şəxslərin yenidən tibbi müayinəyə cəlb edilməsi mümkündür.
Nazirlər Kabinetinin 16 yanvar 2020-ci il tarixli 11 nömrəli qərarı ilə təsdiq edilmiş “Əlilliyin qiymətləndirilməsi Qaydaları”nın 3.7-ci bəndinə əsasən, şəxsin əlilliyinin əsaslılığı ilə bağlı şübhə yaradan əsaslı faktlar olduğu halda, Tibbi-Sosial Ekspert Komissiyası tərəfindən həmin şəxs yenidən müayinəyə cəlb oluna bilər.
Beləliklə, əlilliyin müddətsiz müəyyən edilməsi şəxsin heç bir halda yenidən müayinəyə çağırıla bilməyəcəyi anlamına gəlmir. Əlilliyin əsaslılığı ilə bağlı ciddi və əsaslandırılmış şübhələr yarandıqda, müvafiq qurum tərəfindən şəxsin tibbi müayinədən keçirilməsi mümkündür.
