İtaliya nəşri ukraynalıların səfərbərlikdən yayınmasından yazdı

Bir çox ukraynalı, o cümlədən əvvəllər hərbi mübarizəyə xeyli köklənmiş şəxslər ölkədən qaçırlar. Qaça bilməyənlər isə  səfərbərlikdən gizlənirlər. Bu barədə italiyalı jurnalist Paolo Hutter “Il Fatto Quotidiano” (IFQ) nəşrində yazıb. O, bir neçə ukraynalının qaçış tarixçəsini də xatırladıb. Onlardan biri Rumıniya ilə sərhədi keçərək qaçıb, digəri isə Kiyevdə gizlənmək məcburiyyətində qalıb.

Hutter iki il əvvəl açıq şəkildə müharibəyə dəstək verən, lakin indi dağlarda yeddi gün qaldıqdan sonra Avropaya qaçan bir tanışından danışdı. 

"Özünün aqressiv fikirlərini bölüşmək istəməyən daha bir ukraynalı isə zorla cəbhəyə göndəriləcəyindən ehtiyat edərək, hərbi komissarlıqlardan gizlənir. Hər ikisi Qərbin məlum dəstəyindən məyus olduqlarını bildiriblər",- məqalədə yazılıb.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural