Yarasalardan insanların uzunömürlülüyünün sirrini öyrəniləcək?

Yarasalar kiçik ölçülərinə baxmayaraq, digər məməlilərlə müqayisədə olduqca uzun yaşaya bilir.

News365.az xəbər verir ki, beynəlxalq tədqiqatçılar yarasaların təkamülünü və bioloji xüsusiyyətlərini öyrənmək üçün indiyədək ən geniş genetik və fosil məlumat bazalarından birini hazırlayıblar.

Araşdırmaya 103 yarasa növü və 44 fosil nümunəsi daxil edilib. Məlumatlar bu heyvanların DNT zədələrini daha səmərəli bərpa etmək, iltihabı məhdudlaşdırmaq və bəzi virusları xəstələnmədən daşımaq qabiliyyətinə malik olduğunu göstərir.

Tədqiqatçılar yarasaların bu xüsusiyyətlərinin uzunömürlülüklə əlaqəsini araşdıraraq gələcəkdə insan sağlamlığı ilə bağlı yeni elmi istiqamətlərin müəyyənləşdirilməsinə ümid edirlər.