İsrail Suriya ərazisinə zərbə endirdi

İsrail  ordusunun artilleriyası Suriyanın cənubunda, demilitarizasiya olunmuş zonada yerləşən Ayn əş-Şara və Harbun rayonlarına zərbələr endirib.

News365.az xəbər verir ki, bu barədə “Əl-İxbariyə” telekanalı məlumat yayıb.

Məlumata görə, zərbələr nəticəsində bəzi ərazilərdə yanğınlar baş verib:

"Atəş işğal altındakı Qolan təpələrindəki mövqelərdən həyata keçirilib. Mərmilər Dəməşqdən 55 kilometr cənub-qərbdə yerləşən Beyt-Cin şəhərinin ətrafına da düşüb".