Edip Akbayramın son görüntüləri ortaya çıxdı - VİDEO

İstanbul Haydarpaşa Nümunə Təhsil və Araşdırma Xəstəxanasının reanimasiya şöbəsində 52 gün davam edən müalicəsinə baxmayaraq həyatını itirən usta sənətçi Edip Akbayramın ailəsi ilə birlikdə çəkilmiş son görüntüləri ortaya çıxıb.

Dekabrın 29-da doğum gününü erkən qeyd edən sənətçinin ailəsi və dostları dekabrın 21-də, şənbə gecəsi, ailə dostları Fadime və Ramazan Aslanın Antalya Kundudakı otelində xüsusi bir tədbir təşkil ediblər.

Gecədə teatr sənətçisi Levent Ülgen də iştirak edib. Edip Akbayram həyat yoldaşı Aytən Akbayramla rəqs edib, dostları ilə söhbət edərək xoş vaxt keçirib.

Bundan əlavə, Edip Akbayramın son müsahibəsi də üzə çıxıb. Dəmirören Media Marketinq və Ünsiyyət Qrupu tərəfindən 2024-cü ilin sentyabr ayında lentə alınan bu müsahibə, Kanal D-də yayımlanan Güzel Aşklar Diyarı serialının çəkilişlərinin davam etdiyi Nevşehir Kapadokya bölgəsində aparılıb. Müsahibə zamanı ustad aktyor Halil Ergün serial haqqında danışarkən, bölgədə olan Edip Akbayramla görüşüb. İki sənətkarın kameralar qarşısındakı səmimi söhbəti tamaşaçılara xoş anlar yaşadıb.