Dollar alan yoxdur?

Azərbaycanda dollara maraq azalır. Bunu biz yox, rəqəmlər deyir. Məsələn 2 il əvvəlki illə müqayisədə hərraclarda satılan dolların həcmi bu illə müqayəsədə nə az, nə çox 7 dəfə artıq idi. İndi isə demək olar ki, dollar alan yoxdur.

Mövzu ilə bağlı danışan iqtisadçı Natiq Cəfərli deyib ki, 2026-cı ilin ilk altı ayında Mərkəzi Bankın keçirdiyi valyuta hərraclarında 757 milyon ABŞ dolları satılıb:

“Müqayisə üçün: 2025-ci ilin eyni dövründə bu rəqəm 2,7 milyard ABŞ dolları, 2024-cü ilin ilk altı ayında isə 3,5 milyard ABŞ dolları olub.

Dollara təlabat düşüb, çünki iqtisadi aktivlik azalıb, ÜDM artımı 0% civarındadır. Dollara tələbin kəskin azalması yaxşı bir gedişat deyil - idxal düşüb, çünki insanların alım gücü azalır, qiymətlət yüksək, real gəlirlərin artım tempi isə aşağıdır.

Hökumətin səhv təsbiti burda da özünü göstərir - hələ də əsas problemi büdcə gəlirlərin azalmasında görürlər, biznes və vətəndaşa əlavə maliyyə yükü gətirməklə bu məsələni həll etməyi düşünürlər. Bu isə əks-effekt verir, iqtisadi aktivliyi daha da zəiflədir və büdcə daxilolmaları artmır. Əsas hədəf iqtisadiyyatı canlandırmaq olmalıdır, bütün qərarlar bu yöndə alınmalıdır - o zaman büdcə gəlirləri də artacaq.

İndiki yol iqtisadiyyatı boğur...”

News365.az