SAMSUNG iki markasına dəstəyi dayandırdı

Samsung-un iki məşhur smart saat modeli üçün yeniləmə dövrü başa çatıb.

Şirkət Galaxy Watch 4 və Galaxy Watch 4 Classic modellərini təhlükəsizlik yeniləmələri alan cihazlar siyahısından çıxarıb. Bununla da 2021-ci ildə təqdim edilən bu iki model üçün rəsmi proqram təminatı dəstəyi sona çatıb. 

Hər iki saat Wear OS 3 əsasında satışa çıxarılmışdı. Samsung sonrakı illərdə cihazlara Wear OS 3.5, Wear OS 4, Wear OS 5 və Wear OS 6 olmaqla dörd əsas platforma yeniləməsi təqdim edib. Son mərhələdə isə saatlar One UI 8 Watch yeniləməsini alıblar. 

Samsung-un rəsmi məlumatlarına görə, Galaxy Watch 4 seriyasının bəzi versiyalarına son yeniləmələr 2026-cı ilin avqustunda təqdim edilib. Lakin sentyabr ayından etibarən modellər artıq aktiv təhlükəsizlik dəstəyi siyahısında yer almır. 

Bu o demək deyil ki, saatlar fəaliyyətini dayandıracaq. Galaxy Watch 4 və Watch 4 Classic istifadə olunmağa davam edə bilər, lakin bundan sonra yeni funksiyalar və yeni aşkar edilmiş təhlükəsizlik boşluqlarını aradan qaldıran rəsmi yeniləmələr təqdim edilməyəcək. 

Samsung hazırda daha yeni Galaxy Watch modelləri üçün yeniləmələri davam etdirir. Şirkətin təhlükəsizlik siyahısında Galaxy Watch 5, Watch 6, Watch 7, Watch 8, Watch 9 və Ultra seriyaları yer alır. 

Yəni Galaxy Watch 4 istifadəçiləri üçün saatın ömrü bitməyib — sadəcə Samsung-un rəsmi proqram dəstəyi dövrü başa çatıb.