YUNESKO-ya yeni rəhbər seçildi

Misirin keçmiş naziri Xalid Əl-Enani BMT-nin mədəniyyət təşkilatına - YUNESKO-ya yeni rəhbər seçilib. 

News365.az xəbər verir ki, o, iki dörd illik prezidentlik müddətindən sonra fransalı Odri Azuleyi əvəz edəcək. 

54 yaşlı El-Enani səsvermədən sonra jurnalistlərə açıqlamasında "Hazırkı məsələ büdcədir. Bu, hamımız üçün prioritet olacaq" deyib. 

O, YUNESKO daxilində təşkilatın siyasiləşdirilməsinə deyil, texniki müzakirələrə çalışacağını deyib.

 Misir prezidenti Əbdülfəttah əs-Sisi bəyanat yayaraq ölkəsinin “tarixi uğurunu” təqdir edib və El-Enaniyə “nəcib missiyasında” ən yaxşısını arzulayıb. 

İyun ayında Birləşmiş Ştatlar YUNESKO-dan çıxdığını elan edərək, təşkilatın İsrailə qarşı qərəzli olduğunu və "parçalanma"ya şərait yaratdığını iddia etmişdi. 2026-cı ilin sonunda qüvvəyə minməsi planlaşdırılan bu addım agentliyin maliyyəsinə ciddi zərbə vuracaq. 

YUNESKO-nun rəhbəri vəzifəsinə yalnız iki namizəd mübarizə aparırdı. El-Enani  Konqo Respublikasından olan Firmin Edouard Matoko ilə mübarizə aparırdı.