Uşaqların qaladığı tonqal beş hektar meşəni məhv etdi - VİDEO

Rusiya Fövqəladə Hallar Nazirliyi Buryatiyada baş verən güclü meşə yanğınının səbəbini açıqlayıb. Nazirliyin Telegram kanalında yayılan məlumata görə yanğının səbəbkarları uşaqlar olub.

Hadisə Xorinski rayonunun Mayla kəndində baş verib. 8 və 13 yaşlı iki uşaq çay sahilində vaxt keçirən zaman orada tonqal qalayıblar: "Yanğın sürətlə meşədəki ağaclara keçib. 30-dan çox mütəxəssis və 10 texnika 5 hektar sahədə yanğını söndürə bilib", - məlumatda deyilir.

İndi uşaqlar yetkinlik yaşına çatmayanlarla iş üzrə qurumun yerli diarəsində qeydiyyata düşəcəklər. Üstəlik onların valideynləri meşə yanğınını söndürməyə görə hesablanan vəsaitləri də ödəməlidirlər.

Tural