"Stellantis" ABŞ-yə 10 milyard dollar sərmayə qoyacaq

Avtomobil istehsalçısı "Stellantis NV" ABŞ-yə təxminən 10 milyard dollar sərmayə qoymağı planlaşdırır.

News365.az "Bloomberg"ə istinadən xəbər verir ki, "Stellantis" bu ilin əvvəlində ABŞ-yə investisiyalar üçün ayrılmış analoji məbləğə əlavə olaraq təxminən 5 milyard dollar dəyərində yeni investisiya planı elan edə bilər.

Bildirilib ki, vəsait yaxın bir neçə il ərzində müəssisələrin yenidən başlaması, işçilərin işə götürülməsi və yeni modellərin hazırlanması üçün istifadə oluna bilər. Avtomobil istehsalçısı diqqətini "Jeep" brendini gücləndirməyə yönəldir. Həmçinin "Dodge" brendinə və "Chrysler"ə uzunmüddətli perspektivdə yeni investisiyalar yatırmağı düşünür.

Məsələ ilə bağlı müzakirələr davam edir.

Qeyd edək ki, 2025-ci ilin əvvəlindən "Stellantis"in bazar kapitallaşması 27% azalıb.