Sərhədlərimiz bağlıykən yanvarda 45 min nəfər quru yolla xaricə necə gedib? – AÇIQLAMA
Dövlət Sərhəd
Xidmətinin məlumatına əsasən 2026-cı ilin yanvar ayında xarici ölkələrə gedən
Azərbaycan Respublikası vətəndaşlarının 69,0 faizi hava, 29,5 faizi dəmir yolu
və avtomobil, 1,5 faizi isə dəniz nəqliyyatından istifadə ediblər.
Nəzərə alaq
ki, Azərbaycanın quru sərhədləri bağlıdır. Bəs, onda bu qədər insan xaricə necə
gedə bilib?
Mövzu ilə bağlı News365.az-a danışan
iqtisadçı Natiq Cəfərli deyib ki, nəzərə alaq ki, heç də Azərbaycanın
bütün sərhədləri bağlı deyil:
“Naxçıvan əhalisi
rahatlıqla Türkiyəyə və İrana gedib-gələ bilir. Məhz bu səbəbdən xaricə quru
yolla gedənlərin sayı bu qədər çoxdur. Üstəlik, Azərbaycanın əsas ərazisindən dəmir
yolu maşinistləri və tranzit yük maşınlarının sürücüləri də xaricə gedə bilirlər.
Ona görə də məlumatda həm dəmir yolu, həm də avtomobillə gedənlər qeyd edilib”.
News365.az
