Ramzan Kadırov oğlunun ardınca Moskvaya uçub
Çeçenistan rəhbərinin oğlu Adam Kadırovu daşıyan tibbi təyyarə Moskvanın Vnukovo hava limanına eniş edib.
News365.az xəbər verir ki, məlumatı RBC-Ukrayna monitorinq kanallarına və Rusiya mediasına istinadən yayıb. Bildirilir ki, Ramzan Kadırovun təyyarəsi onun arxasında eniş edib.
FlightRadar məlumatlarına görə, dünən Ramzan Kadırovun oğlu Adamın iştirakı ilə baş verən yol qəzası barədə xəbərlərdən sonra Qroznıdan yola düşən Rusiya Fövqəladə Hallar Nazirliyinin An-148-100-EM "xəstəxana təyyarəsi" Moskva vaxtı ilə saat 01:10-da Vnukovo hava limanına eniş edib.
“Xəstəxana təyyarə”dən sonra Rusiya parlamentinin keçmiş üzvü və investor Yevgeni Tuqolukovla əlaqəli RusJet şirkətinə qeydiyyatdan keçmiş Airbus RA-73417 təyyarəsi havaya qalxıb. Sızdırılmış FSB sərhəd xidmətinin məlumat bazalarına görə, bu, Ramzan Kadırovun son illərdə müntəzəm olaraq BƏƏ-yə uçmaq üçün istifadə etdiyi təyyarədir.
