Bakıda qadını daşla qətlə yetirən şəxsə HÖKM OXUNUB

Bakıda qadını daşla öldürməkdə təqsirləndirilən İgid Rəcəbzadənin cinayət  işi məhkəmə prosesi keçirilib.

News365.az APA-ya istinadla xəbər verir ki, bu gün Bakı Ağır Cinayətlər Məhkəməsində hakim Səbuhi Hüseyovun sədrliyi ilə keçirilən prosesdə hökm oxunub.

Hökmə əsasən, İgid Rəcəbzadə 17 il müddətə azadlıqdan məhrum edilib.

Xatırladaq ki, hadisə 2024-cü ilin dekabrın 17-də Sabunçu rayonunda baş verib. Təqsirləndirilən İgid Rəcəbzadə ilə qeyri-rəsmi nikah münasibətində yaşadığı Elnarə İbrahimova arasında şəxsi münasibətlər zəminində mübahisə baş verib. Mübahisə nəticəsində İgid Rəcəbzadə Elnarənin baş nahiyəsinə daş parçası ilə xəsarət yetirilərək onu qətlə yetirib.

Ona qarşı Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.