Qəzzada aclıq fəlakəti: Avqustda 185 nəfər həyatını itirdi

Avqust ayında Qəzzada aclıq nəticəsində 185 nəfərin həyatını itirdiyi açıqlanıb.

News365.az xəbər verir ki, bu barədə məlumatı Fələstin Səhiyyə Nazirliyi yayıb. Rəsmi açıqlamaya əsasən, avqustun 22-də beynəlxalq aclıq monitorinqi bölgədə qida böhranının mövcudluğunu təsdiqlədikdən sonra, o cümlədən 12 uşaq olmaqla 70-dən çox insan aclıq səbəbindən dünyasını dəyişib.

Hazırda Qəzzada vəziyyət kritik olaraq qalır. Rəqəmlərə görə, 5 yaşdan kiçik 43 min uşaq, həmçinin 55 mindən artıq hamilə və süd verən qadın ciddi qida çatışmazlığı ilə üz-üzədir.

Nazirliyin məlumatında qeyd olunur ki, hamilə qadınların təxminən üçdə ikisi anemiyadan əziyyət çəkir. Bu göstərici son illərin ən yüksək səviyyəsi hesab olunur.

News365.az