Paşinyanın "Sülh kəsişməsi" suya düşdü

Paşinyanın daha bir layihəsi iflas edir.

Məlumdur ki, Zəngəzur dəhlizinə alternativ olaraq Paşinyan yeni Şimal-Cənub magistral yolunu təklif edirdi. Və bunun üçün də yeni yolun inşasını da zəruri saymışdı.

Rəsmi İrəvan bu yolun ən qısa zamanda tikiləcəyini bildirmişdi. Amma sonradan layihə 2033-ci ilə qədər uzadıldı.

Bu günlərdə isə bəyan edilib bu layihə ən tez-2033-cü ildə reallaşa bilər. Ermənistanın Ərazi İdarəetmə və İnfrastruktur Nazirliyi etiraf edib ki, Sisian-Kacaran avtomobil yolunun Şimal-Cənub beynəlxalq nəqliyyat dəhlizinin İran sərhədinə qədər olan 60 kilometrlik hissəsinin tikintisini həyata keçirən ölkənin yol inşaatçıları qrafikdən xeyli geri qalıb və magistralın tamamlanması üçün yeni tarix müəyyənləşdiriblər.

Nazirliyin əməkdaşı David Xudatyan hökumətin iclasında bildirib ki, magistral 2033-cü ilin noyabrına qədər tikiləcək.

Bundan əvvəl Nazirlik layihənin 2031-ci ilin sonuna qədər tamamlanacağına söz vermişdilər.

Yolun şimal hissəsinin uzunluğu körpü və tunellər də daxil olmaqla 27,1 km-dir. Ümumi dəyəri 335 milyon avrodur ki, bunun da 236 milyon avrosu Asiya İnkişaf Bankının kredit maliyyəsi hesabınadır. 8,65 km uzunluğunda Bərgüşat tunelinin və magistralın 24,25 km cənub hissəsinin tikintisi xüsusi problemlər yaradır. Şimal hissəsində yolun üçzolaqlı, eninin isə 11 m olması nəzərdə tutulur ki, bu da magistralda sürəti 100 km/saata çatdırmağa imkan verə bilər.

Amma görünən odur ki, Ermənistan 60 kilometrlik yolu heç 60 ilə tikə bilməyəcək.

News365.az