Paşinyan tarixi ədalətin bərpasına çalışır, yoxsa qisasçılıq edir? - TƏHLİL

Ermənistan lideri Nikol Paşinyan ultramillətçilər - Robert Köçəryan və Serj Sarkisyana qarşı ikinci cinayət təqibinə başlamaq niyyətini açıqlayıb. O qeyd edib ki, 2008-ci il martın 1-də nümayişçilərin qətli ilə bağlı iş sona qədər araşdırılmalıdır.

Paşinyan hesab edir ki, 2008-ci il martın 1-də keçirilən prezident seçkilərinin nəticələrinə qarşı etiraz aksiyaları zamanı hakimiyyət tərəfindən 10 nəfərin öldürülməsi ilə bağlı iş tam araşdırılmayıb:
“Elə detallar var ki, onlar heç vaxt tam araşdırılmayıb və hüquqi qiymət verilməyib. Mən heç vaxt deməmişəm ki, iş tam həll olunub, “tam” sözünü işlətməmişəm. Hesab edirəm ki, 1 mart işində hüquqi qiymət tələb edən hallar var”.

Bununla da o, 7 il əvvəl söylədiyi sözləri təkzib edibş Xatırladaq ki, 2018-ci ilin yayının sonunda Paşinyan iddia etmişdi ki, 1 mart işi hərtərəfli araşdırılıb və ölümlərə görə məsuliyyət daşıyanların müəyyən edilməsində heç bir çətinlik yoxdur.

Nəzərə alaq ki, o zaman 1 mart hadisəsindən Paşinyan hökuməti Ermənistanda keçmiş prezidentlər Robert Köçəryan və Serj Sarkisyanın başçılıq etdiyi millətçi qüvvələri sıxışdırmaq üçün istifadə edirdi. Halbuki Sarkisyan (2008-ci il seçkilərində qalib gəlmişdi) artıq 2019-cu ildə sadəcə şahid idi və az qala həbsxanaya düşəcək Köçəryan 2021-ci ilin əvvəlində Konstitusiya Məhkəməsinin qərarı ilə ittihamdan azad edildi ki, millətçilər növbədənkənar parlament seçkilərinə gedə bilsinlər.

Nikol Paşinyanın son bəyanatı da seçkilərlə bağlı ola bilər. Çünki, gələn il Ermənistan yenidən parlament seçəcək. Təsadüfi deyil ki, millətçilər isə artıq seçki kampaniyasına başlayıblar. Məsələn, fevralda türkofobiya siyasətinin ideoloqu Robert Köçəryan uzun fasilədən sonra ilk böyük müsahibəsini verib. Bu mənada Paşinyanın siyasi düşmənlərinə və parlamentdəki yerlər uğrunda birbaşa rəqiblərinə əngəllər yaratmaq üçün 1 mart işinin yenidən araşdırılmasına göstəriş verməsi təbiidir.

 Qeyd edək ki, Köçəryana təkrar hücuma hazırlığa ötən ilin payızında başlayıb. Bəlkədə bu səbəbdən noyabrda məlum olub ki, istintaq eks-prezidentə qarşı ittihamların yenidən formalaşdırılmasını və onun ittiham olunduğu əsas maddənin dəyişdirilməsini təklif edir.

Bunun ardınca bu günlərdə Nikol Paşinyan bildirdi ki, 1 mart işini həll etməklə o, yalnız etirazçıya qarşı bütün zorakılıq faktlarının müəyyən edilməsini nəzərdə tutur. Bu cinayətlərin iştirakçıları və təşkilatçıları isə hədəfdə yoxdur. Beləliklə, “Qarabağ klanı”nın hökmranlığının davam etməsinə etirazların 17-ci ildönümündə Ermənistan hakimiyyəti Birinci Qarabağ müharibəsinin hərbi cinayətkarları Robert Köçəryan və Serj Sarkisyanı ən azı Ermənistan daxilində törətdikləri vəhşiliklərə görə cəzalandırmaq cəhdləri yenidən başlayır. Bu hansısa ədalətin pərpası yox, siyasi qısqanclıq olsa belə istinilən cinayətkarın cəzalandırılması təqdirəlayiqdir.

News365.az