Oturaq həyat tərzi keçirənlərin NƏZƏRİNƏ- Bunları edin!

Oturaq həyat tərzi günümüzün reallığıdır. Dünyanın bir çox ölkələrində əhalinin əksəriyyəti oturaq həyat tərzindən əziyyət çəkir.

Bəs, uzun müddət oturmağın təhlükəsi nədir və sağlamlığınızı necə qorumalısınız?

News365.az sualın cavabı üçün xarici mətbuatda araşdırma aparıb. Araşdırmalar nəticəsində məlum olub ki, ilk növbədə fiziki fəaliyyətin olmaması və uzun müddət bir vəziyyətdə qalma qan dövranı problemlərinə gətirib çıxarır, ürək-damar sistemi əziyyət çəkir. Oturaq iş insult, hipertoniya və dərin damar trombozunun inkişaf riskini artırır.

Oturaq həyat tərzi bel və boyun ağrılarına, osteoxondroza səbəb olur və dayaq-hərəkət sistemində problemlər başlayır. Oturaq iş maddələr mübadiləsinin yavaşlamasına gətirib çıxarır ki, bu da nəinki artıq çəki artımına, həm də şəkər xəstəliyinə səbəb ola bilər.

Həmçinin çox oturan və az hərəkət edən insanların mədə-bağırsaq traktında problem yaranır və həzmləri pisləşir. Hərəkətin olmaması toxumalara oksigen tədarükünü azaldır, nəfəs darlığına, başgicəllənməyə və artan yorğunluğa səbəb olur. Bundan əlavə, çox oturanlarda sinir sistemində problemlər yarana bilər. Narahatlıq yaranır, zəif qan tədarükü konsentrasiyanı və yaddaşı azaldır, həkim xəbərdarlıq edib.

Mütəmadi olaraq ayağa qalxmaq və uzanmaq, liftlərdən imtina edib pilləkənlərdən istifadə etmək, təmiz havada gəzintiyə vaxt ayırmaq və rahat iş yeri yaratmaq vərdişinə yiyələnməklə, oturaq işin sağlamlığınıza təsirini azalda bilərsiniz.

News365.az