Nyu-York hava limanında təyyarə qəzasında 40-dan çox adam xəsarət alıb - Yenilənib

Air Canada Express təyyarəsinin La Quardia hava limanında nəqliyyat vasitəsi ilə toqquşması nəticəsində sərnişinlər, ekipaj və hava limanının yanğınsöndürmə xidmətinin əməkdaşları da daxil olmaqla 41 nəfər xəstəxanaya çatdırılıb.

News365.az CNBC-yə istinadən verdiyi məlumata görə, bu barədə hava limanı administrasiyasının icraçı direktoru Ketrin Qarsiya bildirib.

Onun sözlərinə görə, zərər çəkənlərdən bəziləri ciddi xəsarətlər alıb, lakin kritik yaralananların sayı dəqiqləşdirilməyib.

11:46

Nyu-Yorkun La-Guardia hava limanında sərnişin təyyarəsi ilə yanğınsöndürən maşın toqquşub.

News365.az “New York Post”a istinadən xəbər verir ki, hadisə nəticəsində 4 yanğınsöndürən ağır yaralanıb. 

İnsident “Air Canada” şirkətinə məxsus təyyarənin yerə enməsindən bir qədər sonra qeydə alınıb.

Qəzadan sonra La-Guardia hava limanı bağlanıb.

“NBC News” telekanalının məlumatına görə, qəza nəticəsində təyyarənin iki pilotu həlak olub.