Məşhur akademik yayılan naməlum virusdan danışdı - VİDEO

Xəbər verdiyimiz kimi son zamanlar Rusiyada insanların yeni, naməlum virusa yoluxmaları ilə bağlı məlumatlar yayılır. Epidemioloq, Rusiya Təhsil Akademiyasının vitse-prezidenti, Rusiya Elmlər Akademiyasının akademiki Gennadi Onişenko yerli mediaya müsahibəsində deyib ki, ölkədə yeni virusun yayılmasına dair iddiaları diqqətlə araşdırmaq lazımdır.

O vurğulayıb ki, Sankt-Peterburqdakı Paster Elmi-Tədqiqat Epidemiologiya və Mikrobiologiya İnstitutunun qriplə məşğul olan rəsmi hesabatında hər hansı yeni virus haqqında məlumat yoxdur.

"Ona görə də gəlin bu yayılan məlumatları bir kənara qoymayaq, diqqətlə deşifrə edək. Amma çox güman ki, orada yeni virus yoxdur, indi hər şeyi şişirtməməliyik", - mütəxəssis bildirib.

Onun sözlərinə görə, heç olmasa bir araşdırmanın nəticəsini gözləmək lazımdır.

"Ən vacibi bu virusun harada peyda olması, bu xəstəliklərin harada qeydə alınmasını dəqiqləşdirməkdir", - Onişenko qeyd edib.

Akademik onu da əlavə edib ki, yüksək temperatur başqa bir xəstəliyin ağır gedişi ilə əlaqədar ola bilər və öskürək zamanı gələn qan insanın müəyyən bir bədəninin fərdi xüsusiyyəti ola bilər.

Martın 29-da SHOT Telegram kanalı ölkədə naməlum virusun yayılmağa başladığını yazıb. Jurnalistlərin fikrincə, xəstəliyə yoluxanların hamısında eyni simptomlar olur. Bunlar hərarətin 39°C-ə yüksəlməsi, halsızlıq, bədən ağrıları və şiddətli öskürəkdir. Üstəlik, bəzi insanlar qanlı öskürəkdən şikayət edirlər.

Tural