PKK bu ay ləğv edilə bilər
Dünya
01 Apr 2025 10:16
PKK terror təşkilatı aprel ayında ləğv oluna bilər.
News365.az bu barədə “Hürriyet” qəzetinə istinadən xəbər verir. Nəşr bildirib ki, PKK-nın qurultayının aprelin ortalarında keçiriləcəyi və silahları yerə qoyaraq, özünü buraxmağa qərar verəcəyi gözlənilir.
“PKK-nın silahı yerə qoyması və özünü buraxması ilə bağlı çox kritik bir mərhələyə daxil oluruq”, - Türkiyə nəşri qeyd edib.
Xatırladaq ki, PKK lideri Abdullah Öcalan fevral ayında təşkilatı tərksilah olmağa və özünü buraxmağa çağırıb. Öcalanın çağırışına təşkilatdan müsbət cavab verilib.
