Dünyanın ən ədaləti ölkəsi haradır?

Bu gün kiminsə ədalətli olduğunu bilmək üçün iki ən iri beynəlxalq münaqişə üzrə mövqeyi ilə maraqlanın. Rusiya-Ukrayna və İsrail- Fələstin müharibələrində iki slavyan və iki semit xalqı amansızcasına savaşır. Və hər ikisində də işğalçı, terrorçu və soyqırım törədən tərəf bəllidir: Rusiya və İsrail. Lakin bəziləri bu münaqişələrə fərqli münasibət bəsləyir: biri deyir ki, Ukrayna haqlıdır, amma Fələstin yox və ya əksinə.

Bu barədə danışan hüquqşünas Əkrəm Həsənov deyir  ki, belələrinin ikili standart tətbiq etməsi və adil olmaması aşkardır:

“Prinsipal və ədalətli münasibət göstərənlərin lideri isə İspaniyadır. Bu möhtəşəm dövlət həm Rusiyanı, həm də İsraili qətiyyətlə pisləyir, onların rəhbərliyinin hərbi cinayətkar olduğunu bildirir. Buna görə də İspaniyanın dünyada nüfuzu yüksəkdir. Futbol çempionu olduqdan sonra ona rəğbət daha da artıb. Belə şəraitdə birdən-birə onun Seuta şəhərində çaxnaşmaların başlaması və bəzi İsrail rəsmilərinin buna dəstək olması hər şeydən xəbər verir. İspaniyaya qarşı təxribat törədilir. Necə ki, ötən əsrin əvvəlində İspaniya üzərini faşizm buludu almışdı. Həmin dövrdəki kimi qəhrəman İspaniya xalqı "No Pasaran!" şüarı altında savaşdı və yekunda qalib oldu. Bu gün isə ona sevgisi olanların sayı daha çoxdur. Deməli, şər qüvvələr daha tez məğlub olacaq. No Pasaran! Səninləyik, İspaniya!”

News365.az