ABŞ “Lukoyl”un Azərbaycandakı fəaliyyətinə yaşıl işıq yandırdı

Dünya

11:30

OFAC (Xarici Aktivlərə Nəzarət Ofisi, ABŞ Maliyyə Nazirliyinin sanksiyaların tətbiqinə cavabdeh olan agentliyi) Rusiyanın Rosneft və Lukoyl şirkətlərinə qarşı sanksiyalara uyğunlaşmaq üçün 1 aylıq güzəşt müddəti təyin edib.

News365.az xəbər verir ki, müvafiq icazə sənədi nazirliyin saytında yerləşdirilib. Lisenziya noyabrın 21-dək qüvvədədir. Hər iki şirkətin qiymətli kağızlarından çıxış həmin müddət ərzində başa çatdırılmalıdır.

Noyabrın 21-dək Rusiyadan kənarda yerləşən Lukoyl yanacaqdoldurma məntəqələri ilə əməliyyatların dayandırılması üçün ayrıca lisenziya da verilib.

Bir həftə əvvəl Lukoyl və Rosneft-ə qarşı sanksiyalar tətbiq edən Böyük Britaniya kimi, ABŞ da Azərbaycan və Qazaxıstandakı beynəlxalq layihələri – Xəzər Boru Kəməri Konsorsiumu və Tengiz Chevroil-ı sanksiyalardan azad edib. CPC və TengizChevroil ilə bağlı Lukoyl və Rosneft-in iştirakı ilə əməliyyatlara ayrıca müddətsiz lisenziya ilə icazə verilir.