Yaylaq Festivalının sorağı niyə yayılmadı?
Məlum olduğu
kimi ötən həftə Göygöldə V Milli Yaylaq Festivalı keçirilib.
Festival Göygöl
rayon icra hakimiyyətinin, Gənclər və İdman Nazirliyinin, Türk Əməkdaşlıq və
Koordinasiya Agentliyinin, Dünya Etnoidman Konfederasiyasının və "Cavad
Xan" Tarix və Mədəniyyət Fondunun təşəbbüsü ilə keçirilib.
Amma nədənsə
festival heç bir əlamətdar hadisə ilə yadda qalmadı. Halbuki bu qədər dövlət və
qeyri-hökümət təşkilatının qoşulduğu festival ən azından ölkəyə səs salmalıydı,
nəinki Türk dünyasın. Çünki təşkilatdılar sırasında Türk Əməkdaşlıq və
Koordinasiya Agentliyinin də adı keçir.
Təbii ki,
festivalın sönük və maraqsız təşkili ictimaiyyət tərəfindən birmənalı şəkildə
qınanıb.
Məsələ ilə bağlı
danışan jurnalist Günel Musa yazır
ki, Yaylaq Festivalından maraqlı bir reportaj oxuyan oldumu? Varsa, şərhə atın, biz də oxuyaq:
“Bu festival
2019- cu ildən bəri keçirilir. Hər il eyni mənzərə: gedirlər, yeyib-içirlər, şəkil çəkdirirlər, paylaşırlar və qayıdırlar.
Amma bir festivalın məqsədi yalnız görüntü yaratmaq deyil axı. Milli Yaylaq Festivalının
konsepsiyasına görə əsas hədəf Azərbaycanın yaylaq və elat mədəniyyətini yaşatmaq, milli-mənəvi dəyərləri qorumaq, qədim adətləri, xalq sənətini, milli
oyunları və etnoqrafik irsi nümayiş etdirməkdir. Yəni festivalın
içində jurnalist üçün çoxlu mövzu var: yaylaq həyatının son daşıyıcıları,
çoban mədəniyyəti, aşıq sənəti, xalçaçılıq və əl sənətləri, unudulan peşələr;, milli oyunların tarixi, kənd insanının dəyişən həyatı. Bu ənənələrin gələcək nəsillərə ötürülməsi. Belə bir festival üçün
yazı başlığı atıram bura gələn il gedəndə lazımınız olar.
“Bir gün yaylaqda: unudulan Azərbaycanın yaşayan muzeyi” .
News365.az
