Xalq artistinin iş yeri bəlli oldu

Xalq artisti, opera ifaçısı Elçin Əzizov Rusiyanın Böyük Teatrında fəaliyyətini yeni mövsümdə də davam etdirəcək.

News365.az xəbər verir ki, sənətçi sosial media hesabında teatrda 19-cu mövsümünün başladığını açıqlayıb.

Elçin Əzizov yeni mövsümün açılışını Pyotr Çaykovskinin "İolanta" operasındakı çıxışı ilə etdiyini bildirib. Opera ifaçısı bu əsərlə yenidən səhnəyə çıxmasından məmnun olduğunu vurğulayıb.

"Böyük Teatrda 19-cu mövsümüm açıldı. Çox şadam ki, onu sevimli "İolanta"mla, Çaykovskinin əsəri ilə yenidən açdım", - deyə Elçin Əzizov paylaşımında qeyd edib.