Xəzər rayonunda şəhid ailələri ziyarət olunub

 Dünya Azərbaycanlılarının Həmrəylik Günü münasibətilə şəhid Salamov Vüsal Yəhya oğlunun, Məmmədzadə Bəhram və İman qardaşlarının Kazımov Əmir İlham oğlunun və şəhid Əliyev Murad Hüseyn oğlunun ailəsi ziyarət olunub.

   Tədbirdə Xəzər Rayon İcra Hakimiyyətinin başçısı Elşən Salahov, YAP Xəzər rayon təşkilatının sədri Namiq Əhmədov, RİH başçısı Aparatının şöbə müdirləri və şəhidlərin ailə üzvləri iştirak ediblər.

    Xəzər Rayon İcra Hakimiyyətinin başçısı Elşən Salahov şəhidlərin ailə üzvləri ilə görüş zamanı bildirmişdir ki, şəhid ailələri dövlətin daim diqqət mərkəzindədir, Azərbaycan Respublikasının prezidenti cənab İlham Əliyev şəhidlərin adının uca tutulmasına, onların ailələrinin sosial məsələlərinin yoluna qoyulmasına xüsusi qayğı göstərir həmçinin Birinci vitse-prezidenti Mehriban xanım Əliyeva şəhid ailələrinin, müharibə veteranlarının, əlillərin problemlərinə diqqət və qayğı ilə yanaşdığını diqqətə çatdırıb.   

   Şəhidlərin  ailə üzvləri Azərbaycan Respublikasının  Prezidenti cənab İlham Əliyevin şəhid ailələrinin rifah halının yaxşılaşdırılması məqsədilə imzaladığı fərman və sərəncamlardan məmnunluq ifadə etdiklərini, bu kateqoriyadan olan vətəndaşlara göstərilən diqqət və qayğıya görə ölkə başçımıza və Birinci vitse-prezident Mehriban xanım Əliyevaya minnətdarlıqlarını bildirib, dövlətimizin başçısının həyata keçirdiyi siyasətə dəstək verdiklərini vurğulamışlar.