"Uşaqlarınızı diplom üçün qurban verməyin" - Həkimdən ÇAĞIRIŞ

Bu günlərdə daha bir intihar xəbəri yayıldı. Beləki, buraxılış imtahanından uğurlu nəticə əldə edə bilməyən gənc özünə qəsd edib.

Məsələ ilə bağlı News365.az-a danışan həkim Vaqif Qarayev deyib ki, çox təəssüf ki, hər il gözlədiyimiz ən pis xəbər gəlir:

“Təhsili bu qədər fetişləşdirmək, bütləşdirmək nəyə lazımdır?! Heç bir təhsil uşağın sağlamlığını əvəz edə bilməz. İntihar hadisələrində hamı günahkardı. Məktəb də, repetitor da, ailə də, mühit də...

Sizin uşağınız azı bir il hazırlığa gedir. Bu müddət ərzində onun bilik səviyyəsini öyrənmək elə də çətin deyil. Repetitor bunu valideynə deməlidir. Özüdə vaxtında deməlidir.  Sınaqda yığdığı ballar da valideynə siqnal olmalıdır.  İndi qəbul imtahanı yaxınlaşdıqca psixoloq axtaran valideynlərin sayı çoxalır, həmişəki kimi. Zorlamayın uşaqları. Heç kim başından yuxarı tullanmayacaq”.

News365.az