Tural dərslərindən "qeyri-kafi" aldı

Ötən gün Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Berlində “söyüş müxalifəti”nin nümayəndəsi Tural Sadıqlıya söylədikləri ölkə gündəmini mə.ğul edib. Hər kəs tutarlı cavab üçün Hikmət Hacıyevə öz ehtiramını bildirir.

Sabiq Millət vəkili Etibar Əliyev də məsələyə münasibət bildirib. O, özünün sosial səhifəsində bunları qeyd edib:

“Məntiqin məqsədi insanı yanlışlıqdan qoruyan biliklər verməkdir. Məntiq məhz o elmdir ki, dərk olunmayanı dərkolunanın köməyi ilə açır. Yəni əsl həqiqət nədir və ona yaxın olan hansıdır? Yaxud nə yalandır və onların hansı növləri vardır? Bu suallara məntiq cavab verir.

Məntiqi bu cür izah etməyimə səbəb Prezidentin köməkçisi Hikmət Hacıyevin Almaniyada mühacir-bloger Tural Sadıqlı ilə qısa dialoqu səbəb oldu. Əslində Hikmət Hacıyev soyuqqanlı davranışı və polad məntiqi ilə Turalı dərslərində "qeyri-kafi" alan şagirdin vəziyyətinə saldı. Doğrudan da həqiqət mükəmməl dəyərdir.

Həqiqətə inam insan həyatının radikal faktıdır və əgər biz həqiqəti amputasiya ediriksə həyat illüziya və absurda qərq olur.

Xaricdə yaşayan siyasi mühacirlərin əksəriyyəti həqiqəti çoxdan amputasiya ediblər və elə bu səbəbdən də absurd həyat yaşayırlar.

Bir dəfə dahi Bertran Rasseldən soruşurlar ki, kimi əsl centlmen hesab etmək olar. Məşhur britaniyalı suala belə cavab verir: "Centlmen o adamdır ki, onunla ünsiyyətdə hər bir kəs istər-istəməz centlmen olur".

Tural Sadıqlı Hikmət Hacıyevlə söhbətdən centlemen ola bilməzdi. Çünki rüşeym yoxdur”.

 News365.az