Sakindən 1 kiloqrama yaxın narkotik vasitə AŞKARLANDI

Daşkəsən sakinindən narkotik vasitə aşkarlanıb.

News365.az xəbər verir ki, Rayon Polis Şöbəsinin əməkdaşlarının keçirdikləri tədbirlər nəticəsində narkotiklərin qanunsuz dövriyyəsində şübhəli bilinən, əvvəllər məhkum olunmuş İqbal İsmayılov saxlanılıb. Saxlanılan şəxsin üzərindən 1 kiloqrama yaxın marixuana və heroin aşkarlanıb.

Bundan başqa Rayon Polis Şöbəsinə rayon ərazisində silah-sursat olması barədə məlumat daxil olub. Polis əməkdaşları oradan 1 ədəd avtomat, 1 ədəd həmin silaha aid daraq və 29 ədəd müxtəlif çaplı patron aşkarlayıblar. 

Faktla bağlı araşdırmalar davam etdirilir.