Xaçmazda zəncirvari qəza olub, XƏSARƏT ALANLAR VAR

Bu gün  səhər saatlarında Xaçmazda zəncirvari qəza baş verib.

News365.az xəbər verir ki, Gəndob-Yalama yolunun Xaçmaz rayonunun Müzəffəroba kəndi ərazisindən keçən hissəsində 3 minik avtomobili toqquşub.

Qəza nəticəsində 7  nəfər xəsarət alıb. Yaralılar təcili tibbi yardım avtomobili ilə Xaçmaz Rayon Mərkəzi Xəstəxanasına çatdırılıblar. Onlara bədənin müxtəlif nahiyyələrinin çoxsaylı travmaları diaqnozu qoyulub. Hazırda xəsarət alan şəxslərə zəruri tibbi yardım və instrumental müayinələr icra edilir və onların müalicəsi Təcili tibbi yardım şöbəsində davam etdirilir.

Onlardan bir nəfərin vəziyyəti ağır digər 6 nəfərin vəziyyəti isə orta ağır olaraq qiymətləndirilir. Faktla bağlı araşdırma aparılır.