Konserv sevənlərin nəzərinə

Qidaların konservləşdirilməsi, qızartmadan fərqli olaraq, qida maddələrinin itkisini minimuma endirməklə yanaşı, həm də qidanın təbii dadını qorumağa kömək edir. Bunu V. M. Qorbatova adına Qida Sistemləri Federal Elmi Mərkəzinin Ümumrusiya Elmi-Tədqiqat Konserv Texnologiyası İnstitutunun laboratoriya müdiri Natalya Posokina deyib.

Mütəxəssisin fikrincə, düzgün konservləşdirmə texnologiyası ilə qida maddələrinin itkisi, qaynama və qızartma kimi klassik bişirmə üsulları ilə müqayisədə daha az ola bilər. Qızartma tez-tez yağların oksidləşməsinə, hava və yüksək temperaturla təmas nəticəsində vitaminlərin məhvinə səbəb olur. Konservləşdirilmiş qidalar isə hermetik şəkildə bağlanır və yumşaq bir formada istiliklə dezinfeksiya edilir ki, bu da qida maddələrinin məhvini yavaşlatmağa kömək edir.

"Hazır konservləşdirilmiş yeməklərin bəzi komponentləri, məsələn, yerkökü və ya soğan, həqiqətən də əvvəlcədən qızardıla bilər. Bu, istehlakçının gözlədiyi dadı qorumaq üçün lazımdır. Lakin konservləşdirildikdə məhsullar hava ilə təmasda olmur, bu da oksidləşmə sürətini azaldır", - mütəxəssis izah edir.

Tural