Qalib gələn komandaya hücum etdilər - 4 yaralı - VİDEO

Türkiyə Supe rLiqasında təmsil olunan “Qaziantep” futbol klubu “Hatayspor” ilə keçirilən U-17 oyununun ardından gənc komandanın futbolçularına hücum edildiyini açıqlayıb.

Dörd futbolçu xəsarət alaraq xəstəxanaya aparılıb.

Açıqlamada qeyd olunub ki, “Qaziantep”in 3:2 hesablı qələbəsi ilə bitən oyunun final fitindən sonra futbolçular rəqib komandanın nümayəndələri tərəfindən fiziki hücuma məruz qalıblar.

“Hatayspor” isə yayımladığı bəyanatla iddiaları təkzib edib. Klub hadisənin iki futbolçu arasında baş vermiş fərdi insident olduğunu və texniki məsul şəxs Çağdaş Cabiroğlunun məsələyə aidiyyəti olmadığını bildirib.

Oyunçunun üzr istədiyi və insidentin intizam qaydaları çərçivəsində dəyərləndiriləcəyi qeyd olunub.