Putin "Lada Aura"nı ağız dolusu təriflədi

Rusiya prezidenti Vladimir Putin yanvarın 28-də Tolyattidə “AvtoVAZ” zavoduna səfəri zamanı yerli istehsal olan avtomobili ağız dolusu tərifləməsi ilə diqqət çəkib. Rusiya mediasının yaydığı xəbərə görə, o bildirib ki, “Lada Aura”nı çox bəyənib. Eyni zamanda, siyasətçi avtomobilin üstünlüklərindən də danışıb.

“Mən çox bəyəndim. Maşını geriyə verən zaman kamera işə düşür. Görmə üstünlüklərinin olması da yaxşıdır. Yaxşı idarə oluna bilir. Bir sözlə, əla!",- Rusiya Prezidenti zavodun işçiləri ilə söhbəti zamanı deyib.

"Lada Aura"nın pərakəndə satışı noyabrın 30-da başlayıb.

Avtomobillər dilerlərə iki təchizat səviyyəsində çatdırılır: əsas sayılan "Premyer" və "Status". Birinci versiyada tövsiyə olunan qiymət 2,6 milyon rubl, "Status" isə 2,8 milyon rubl təşkil edir.

Tural