Meyvələri sabunla yuyanların nəzərinə: Mütəxəssislərdən ciddi xəbərdarlıq
Yay mövsümündə süfrələrimizi bəzəyən təzə meyvə və tərəvəzlər yalnız torpaq və həşərat qalıqları ilə deyil, həm də təhlükəli kimyəvi maddələrlə — pestisidlərlə zəngin ola bilər. Bəs orqanizmimizi bu təhlükədən necə qorumalıyıq?
Son zamanlar "TikTok" kimi sosial şəbəkələrdə meyvələrin qida sodası, sirkə və ya xüsusi məhlullarla təmizlənməsi dəb halını alıb. Lakin mütəxəssislər xəbərdarlıq edir: bu üsulların bir çoxu nə effektivdir, nə də sağlamlıq üçün təhlükəsiz!
Pestisidlər orqanizmə necə təsir edir?
ABŞ Ətraf Mühitin Mühafizəsi Agentliyinin qənaətinə görə, gündəlik həyatda məruz qaldığımız az miqdarda pestisid dərhal ciddi fəsad yaratmaya bilər. Lakin toksikoloq Kelli Conson-Arbor bildirir ki, bu maddələrin orqanizmə toplanması zamanla ciddi problemlərə yol açır:
Sinir sisteminin pozulması
Hormonal disbalans
Reproduktiv sağlamlığın zəifləməsi
Xroniki və xərçəng xəstəlikləri riski
Mütəxəssislərdən 7 QIZIL QAYDA
Xarici ekspertlərin tövsiyələri əsasında meyvə və tərəvəzləri düzgün təmizləməyin yolları:
Ən yaxşı vasitə: Adi kran suyu Ağır kimyəvi maddələrə ehtiyac yoxdur. Sadə axar su həm mikrobları, həm də zərərli maddələrin böyük hissəsini yuyub aparmaq üçün tam kifayətdir.
Sabun və kimyəvi vasitələrdən uzaq durun! Qidalanma üzrə mütəxəssis Emma Leynq xəbərdarlıq edir ki, meyvə-tərəvəzin məsaməli qabıqları sabun və yuyucu tozları özünə hopdurur. Bu da kimyəvi zəhərlənmə riskini artırır.
Məhsulları suda uzun müddət saxlamayın Tərəvəzləri saatlarla suda saxlamaq təmizlik demək deyil. Əksinə, bu, sudakı bakteriyaların çarpaz şəkildə bütün məhsullara yayılmasına şərait yaradır.
Yarpaqlı və nahamar tərəvəzlərə xüsusi diqqət
Giləmeyvələri zədələmədən həssaslıqla yuyun.
Qazandığınız göyərtiləri yarpaq-yarpaq ayırıb təmizləyin.
Qovun, gül kələm kimi səthi girintili-çıxıntılı məhsulları fırça ilə ovun və kağız dəsmalla qurulayın.
Soyulacaq meyvələri də yuyun! Manqo, qovun və ya qarpız kimi qabığı yeyilməyən meyvələr kəsilməzdən əvvəl mütləq yuyulmalıdır. Əks halde bıçağın tiyəsi qabıqdakı mikrobları birbaşa meyvənin içinə daşıyır.
Sürtünmə gücündən istifadə edin Bağban Kris Yanqın sözlərinə görə, xüsusi tərəvəz fırçası ilə səthi yüngülcə ovmaq axar suyun təmizləmə effektivliyini ikiqat artırır.
İmkan varsa, üzvi (orqanik) məhsullara üstünlük verin Aşpaz Riçard LaMarita qeyd edir ki, sertifikatlı üzvi məhsullar nisbətən baha olsa da, kimyəvi maddələrdən uzaq durmaq üçün en təhlükəsiz seçimdir.
News365.az
